গুগল মিট (Google Meet)ক এটা জনপ্ৰিয় ভিডিঅ’ কনফাৰেন্সিং এপ (Video Conferencing Apps) হিচাপে গণ্য কৰা হয়।
প্লেটফৰ্মটোৱে এণ্ড্ৰইড (Android) আৰু আইঅ’এছ (IoS) ডিভাইচ দুয়োটাৰে বাবে গুগল ডুঅ’ (Google Duo) এপৰ ঠাইত অধিক মাত্রাত জনপ্রিয়তা পাইছিল। গুগল মিটত ট্ৰান্সক্ৰিপচনৰ (Transcription) বাবে নতুন বৈশিষ্ট্যই কেৱল ইংৰাজী ভাষাক গ্রহন কৰিব।
টেক জায়ান্ট Googleএ ঘোষণা কৰিছে যে এতিয়া Google Meet কলসমূহ পাঠ্য (Texts) ত লিপিবদ্ধ কৰিব পৰা যাব, আৰু ব্যৱহাৰকাৰীয়ে ইয়াক গুগল ডক (Google Doc) ফৰ্মেটত আৰু সংৰক্ষণ কৰিব পাৰিব। এণ্ড্ৰইড চেণ্ট্ৰেল (Android Central)ৰ মতে, সংৰক্ষিত ফাইলটো গুগল ড্ৰাইভৰ পৰা প্ৰৱেশ কৰিব পাৰিব।
বিশেষকৈ iOS আৰু Android ডিভাইচৰ বাবে Google Duo এপ সলনি কৰাৰ পিছত Google Meet হৈছে অন্যতম জনপ্ৰিয় এপ। কিন্তু গুগলে উল্লেখ কৰিছে যে ডেস্কটপ বা লেপটপ ক্লায়েণ্টৰ বাবে গুগল মিটত প্ৰৱেশ কৰিব পৰা নতুন বৈশিষ্ট্যটো কেৱল ইংৰাজী ভাষাৰ বাবেহে উপলব্ধ।
গুগলে কয় যে ট্ৰান্সক্ৰিপ্ট কৰা ফাইলটো লগত থকা গুগল ড্ৰাইভ ষ্ট’ৰেজৰ পৰা গুগল মিট এপৰ একেটা “মিটিং ৰেকৰ্ডিংছ” ফোল্ডাৰতে সংৰক্ষণ কৰিব পাৰি।
গুগল মিট কলত যোগদান কৰাৰ আগতে উপস্থিতসকলক জনোৱা হ’ব যে কলটো লিপিবদ্ধ কৰা হৈছে।
এই প্ৰতিলিপিসমূহ মিটিঙত হোৱা আলোচনাক ধৰি ৰখাৰ উদ্দেশ্যে কৰা হৈছে। মিটিঙত উপস্থিত থকা লোক সকল বা আয়োজক সকলক যদি তেওঁলোকে গোটেই আলোচনাটোৰ কোনো বিশেষ অংশ মনত পেলাব বিচাৰে তেন্তে ই যথেষ্ট সহায়ক হ’ব।
আন এটা বৈশিষ্ট্য হ’ল “প্ৰতিলিপিটো স্বয়ংক্ৰিয়ভাৱে মিটিঙৰ বাবে সংশ্লিষ্ট কেলেণ্ডাৰ আমন্ত্ৰণৰ সৈতে সংযুক্ত হ’ব”।
এই নতুন বৈশিষ্ট্যটো ২৪ অক্টোবৰ, ২০২২ ৰ পৰা আৰম্ভ হোৱাৰ সম্ভাৱনা আছে। ই গুগল ৱৰ্কস্পেচ বিজনেছ ষ্টেণ্ডাৰ্ড (Google Workspace Business Standard), বিজনেছ প্লাছ (Business Plus), এণ্টাৰপ্ৰাইজ ষ্টাৰ্টাৰ (Enterprise Starter), এণ্টাৰপ্ৰাইজ ষ্টেণ্ডাৰ্ড (Enterprise Standard), এণ্টাৰপ্ৰাইজ প্লাছ (Enterprise Plus), এডুকেচন প্লাছ (Education Plus), আৰু টিচিং এণ্ড লাৰ্নিং উন্নীতকৰণ (Teaching and Learning Upgrade) গ্ৰাহকসকলৰ বাবে উপলব্ধ হ’ব।
